اللي ما يقرأ القصه يروح عليه نص عمرهـ
أخذت لي كولا و شبس و طلعت لغرفة التلفزيون مبتهجة
وبينما أنا في خضم البلع والقحن والكركرة على مسلسل كوميدي كنت اتابعه وداخلة جووو
الا وينفتح الباب واشوف وجـــــــه! ,,,,
ويطلع أخوي " عبود " -طالب في المرحلة الابتدائيه يميل الى الامتلاء يملك عيون عسلية و حواجب كحلية - كان عبود في أشد الدهشة والانبهار والتعجب حتى ظننت انه قد يموت بسكتتن قلبية
عبود : ماصمتييييييييييييي!!!!!!!
وانا في يدي كأس مليىْ بالثلج وكيس شيبس كبر وجه اخوي عبود.. ليه انت صايم؟؟؟
عبود: وجع... من جدك تسألين هالسؤال؟؟
وانا بكل ثقه وبجاحه..والله انت بعد انت سألنتي نفس السؤال؟؟؟؟
عبود: والله انتي الي قاعده تبلعين وتشربين موب انا؟؟
ممممممممممم ... شفت الولد ماعنده نيه يفهم..واستوعبت انه ياأما كان غايب في درس منهج سادس ابتدائي,,, او ان المدرس طمـر الدرس.. ولاوش ذا الدلاخه....
وانا مافيها مجال اصير ناسيه..مجهزه العده كأس ثلج وكولا ومنقيه الشيبس اللي ابيه..
المهم قلت انا في نفسي والله لو يموت ماعلمه أنا ذا العلوم,, مولهالدرجه وسيعة صدر..
فما كان كان مني إلا وفاجأته وقلت.....اسمع بقولك سر بس بذمتك لايدرون امي وابوي ولا احد..واوعدني انك ماتعلم احد وتحتفظ بسري لين اموت..وان مت عادي علمهم لانهم خلاص ماراح يقدرون يسون لي شي.
عبود قال: واللللللللللللللللللللللللله ماعلم احد اقسم بأيات الله والقران والكعبه وجعلني اموت اني مااعلم احد(((خرجت هذه الكلمات بحماس شديد منه مع السعابيل المتناثره التي لامست وجهي)))
اسمع بصراحه انا مسيحيه!!!!
عبود: قولي قسم بالله؟
انا مسيحيه ولا اقدر احلف.. ديني غيركم(((عشت الدور على طول))
اجل اسمع بقول قصتي يمكن تخف روعتك شوي يمكن تفهمني وتحتويني وتحتضني((حسيت اني بخرب الولد))
انا يوم كنت صغيره اهلي مايهتمون فيني زيك يروحون يتمشون ويخلوني عند التلفزيون تعرف انا اول مولوده وابوي وامي توهم صغار وطايشين ومستانين ببعض واحس اني دخيله عليهم مدري ليش جابوني بسرعه اذا هم مايبغوني
فجأه سفت عبره وخنقت اخوي صاحب القلب الكبير وهو يتابع بصمت وفضول وغباء
وليش تلبسين عبايه اذا انتي مو زينا((قاطعني بكل دلاخه))
رديت وبنفس منكسره:حتى الفلبينات يلبسون عبايه.. وانا كنت زيهم ألبسها واحسبها نيوفورم لسعوديات.
ودر بسؤال اذكي بقليل من السؤال السايق:طيب المدرسه ماعلموك الاسلام؟
قلت:لا,, انا بالحصص اهرب اوانام وبالاختبارات اغش.
واستطردت القصه.. فلما انت جيت حبوك امي وابوي من كل قلبهم وخافوا اني انتبه اهالحب واحسدك. فقام ابوي وركب لي نت وقالي هذا لك.. وهذا لنا.. واخذوك ورحتو تتمشون..
المهم صرت انا بالنت افتش هنا وهناك وامشي واتمخطر واتبعثر واتكور إلي ان اخذتني رياح الاقدار عند الام تريزا وقلت لها قصتي واحتوتني بكل حب وعطف وعوصتني عن الحنان اللي فقدته من اهلي اللي يكرهوني وصرت انا احبها وتعودت عليها وقمت اناديها ماما ..وقالتلي اعتنقي المسيحيه فأعتنقتها..واهلي مايدرون الي هاليوم..
عبود بلم وهو في حيره ولاهوب عارف يرد خاصة انه حس ان هو السبب وتعاطف معاي.. صمت لبرهه وبرهات ثم قال: ماتفكرين تسلمين؟؟
ولا اخفيكم سرآ,, جتني ضحكه كبيييييييييييييييييييره إلا اني بلعتها لدرجه ان صبت دموعي وسويت نفسي ابكي,, وقلت بصوت مخنوق:مااعرفه.. انا ماأعرف في هالحياه إلاامي تريزا..
داخ راسي من كثر الخرط عليه وجاني النوم.. وعطيته الكأس بعد ماشربته وقلت خذ وده المطبخ انا تعبت من الصياح بروح انام.
جـاء يوم الغد,, وانا اسمع شي يخربش تحت باب غرفتي.. حامت كبدي قلت اكيد صرصور..وقمت اشوف إلا وهو كتاب انجليزي ديني يندعس تحت باب غرفتي,, وافتح الباب بسرعه وبشوف مين اللي حطه إلا وباب غرفة عبود يتسكر بقوه..
ههههههههههههههههههههههههههاي..ياأنا ضحكت ضحكة يغت تتكسر شبابيك الغرفه خلااااااص ماعاد اتحمل..هالولد تحفه لازم نحطه في متحف اللوفر لعنبوا ابليسه وش ذا المخ..
طيب يوم انك بتدعيني للدين ليه جايب لي كتاب دعوه انجليزي .. شايفني شغاله ،، على باله يوم صرت مسيحيه معد افهم عربي ،،ماأدري ذا الولد مخه وين ....!!!
المهم... انا عقب هالضحكه نسيت الكذبه،، ولهيت بمشاغل الحياة << المشكله البزي ومن
ومر كم يوم ،، وصدفت ان عبود مر جنب غرفتي وانا لابسه جلالي واصلي وانا اسجد مادريت إلا بصوت رجول تراكض متجه نحوي،،واجلس من السجود إلاعبود يصيح ويحب راسي ..انا خلاص بفطس من الضحك ،، يالله كملت التشهد وسلمت.. إلا وياخذني بالاحضان عبود صاحب القلب الكبير
الحمد الللللللللللللللللللللله اسلمتي ......الحمد الله اسلمتي
ودموعه تتقاطر علي كتفي((ياكثر مايوصخني ذا الولد ياتفال يا بدموع : الله يصبرني))
بس والله رحمته جاني الصباح صدق ،، ماأدري هو ان عشت الدور ولا صياحه صيحني......
ويمر ابوي قدام ها المشهد التراجيدي وينهبل ....وجععععععععع خير انهبلتوآ..وش صاير؟؟
وعبود من هول سعادته كب العفش والعشا والقش كله
بنتك اسلللللللمت....بنتك اسلمت
وللاسف انجلدت بعدها بس عادي التعب والجلد عااادي مايجي شي عند ها الخرطه اللي كبر الحمار ومشت على عبود الفتى صاحب القلب الكبير هو وكتيبه الدعوي بسوي ليه برواز عندي واهدده فيه إذا استبشر علي في المستقبل..
موضوع: أنــا مسيحيـــــــه 
الجمعة سبتمبر 04, 2009 9:02 pm
